١- ضع فكرك وتوجه البراند مش ذوقك في اللبس في اختيار التصاميم مشكله كبيره بيقع فيها براندات مبتدئه كثير انها عملت كولكشن مناسب ليها بالمللي وشكله حلو لكن مش بيتباع لانه من الاساس مش مبني علي دراسه للجمهور المستهدف
٢- القاعده الثابته في التصوير والتسويق هي كارثه حذاري تقع فيها اعمل لكل كولكشن بصمته الخاصه مش شرط الموديلز المستخدمين في كولكشن الشتاء وحققت من خلالهم نجاح يحققو نفس النجاح في كولكشن الصيف ببساطه عين الجمهور بتحب التغيير اليفتحلها أبواب كثير وطرق كثير لاستغلال القطعه ساعدهم علي ده
٣- متخبيش سعرك حتي لو انت متاكد انه اعلي من السوق ومتخوف من انه ممكن يجي كومنت سلبي من حد معندهوش القوه الشرائية انه يشتري خصوصا لو بتقول السعر في رساله للسبب ده لانه بيوصل رساله للعميل انك مش عندك الثقه الماليه في منتجك وانه يستاهل السعر ده فبالتالي هو كمان بيقدر السعر من نفس المنظور ومش بيشتري وأوقات كثير مش بيسأل أصلا
٤-تجنب تماما الاضاءه المتبقية من أنطلاق غيرك القطعه العملت بووووم عند براند تاني وشايف الناس هتموت بعض عليها تجنبها متقولش الناس محتاجه لان الناس هتصنفك رقم ٢ وزي ما بيقولو تقليد ليه تاخد جزء لما ممكن تسلطي الضوء عليك وتبتكر فكره مشابهه بتصميم مختلف وامتيازات اكثر ؟
٥- عدو الأستمرار في السوق هو العند اوقات كثير السوق بيفاجئنا بميول مختلفه تماما للجمهور وده لمسناه في سيزون 2020 الصيف والشتاء لازم تكون عندك مرونه في قراراتك التتماشي مع توجهات العملاء بما لا يضر البراند بتاعك
